Michuano ya kombe la Dunia inatarajiwa kuanza siku ya Alhamisi wiki hii nchini Brazil kwa ufunguzi wa mechi kati ya wenyeji Brazil dhidi ya Croatia, lakini kama ilivyo kawaida kabla ya mechi husika ya ufunguzi kunakuwepo na sherehe za ufunguzi wa michuano hiyo mikubwa.
Kwa mwaka huu wasanii Jennifer Lopez, Claudia Leitte na Pitbull walipangwa kutumbuiza lakini kwa mujibu wa taarifa ambazo tulizipata ni kwamba Jennifer Lopez amegoma kwenda kutumbuiza katika sherehe hizo za ufunguzi pamoja na kwamba ndio msanii aliyeimba wimbo rasmi wa michuano hiyo.
Staa huyo ambaye wiki iliyopita aliachana na mpenzi wake Casper Smart , Jina lake halipo tena katika orodha ya wasanii watakaosindikiza sherehe za ufunguzi wa Kombe la Dunia Alhamisi hii.
Kwa mujibu wa FIFA, Jennifer Lopez hatofanya onyesho katika sherehe hizo kutokana na ‘sababu za kiufundi’ ambazo hazikufafanuliwa ni zipi.
Hata hivyo wasanii wengine walioshirikiana na JLO kuimba wimbo wa ‘Ole Ole’ – Pitbull na Claudia Leitte ambao wao watatumbuiza katika sherehe hizo.
