Mrembo Jokate anakwambia alilipata hili dili mwishoni mwa mwaka 2013 kwa mkataba wa miaka miwili sura yake kutumika kwenye mabango, matangazo ya TV, matangazo mengine pamoja na kwenye sabuni yenyewe.
Kwenye Exclusive interview na AMPLIFAYA ya Clouds FM, J amesema ‘mimi ni balozi wa hii sabuni kwa hiyo sura yangu ipo kote, kazi yangu pia ni kuhamasisha watu waitumie kupitia image yangu kwa hiyo tutakua tukipita kwenye mitaa mbalimbali kwa kuanzia na Dar es salaam ambapo nitakua nasimama kwa dakika 15 kila sehemu, kukutana na Wananchi na kupiga nao picha pia kuwapa niliyonayo kuhusu hii sabuni’
‘Ni sabuni ambayo inawakilisha urembo na usafi, kwangu mimi hii ni nafasi nzuri kwa sababu nafanya kazi na kampuni kubwa ya METL inayofanya vizuri Afrika , nitapita kwenye mitaa ya Mbagala, Tandika, Buguruni, Mwenge na Tegeta ambapo tutatoa zawadi pia kwa watu mbalimbali watakaojiunga na sisi’
Jokate anaanza kuingia mtaa kwa mtaa kutekeleza majukumu ya hili dili lake ikiwa ni siku 4 zimepita toka msanii wa Hiphop Mwana FA alipotoa hotuba mbele ya Rais Kikwete kuomba makampuni makubwa ya kibiashara yawatumie Wasanii na mastaa wengine wa bongo kunadi bidhaa zao’
Mastaa wengine waliowahi kupata dili kama hizi ni pamoja na Diamond na Cocacola, Vanessa Mdee, JB, Wema Sepetu na Airtel na wengineo kama Shaa.
Ni halali yako kupata kila stori inayonifikia mtu wangu, niko tayari kukutumia wakati wowote kupitia twitter instagram na facebook ukijiunga na mimi kwa kubonyeza >>> twitter Insta FB
