Mchezaji wa zamani wa Mpira wa kikapu, Lamar Odom, ameripotiwa kununua Mdoli wa kujifurahisha unaofanana na sura ya aliyekuwa Mke wake, Khloé Kardashian na kwa mujibu wa Meneja wake, Gina Rodriguez, Odom alivutiwa na matangazo ya Midoli hiyo mwezi uliopita na akaamua kununua moja kwa ajili yake.
Inaelezwa akiwa katika Kiwanda cha RealDoll huko Las Vegas wiki hii, Odom alionekana akikagua Midoli hiyo pamoja na vifaa vingine vya kujifurahisha vilivyopo Kiwandani hapo.
Kwa mujibu wa taarifa kutoka TMZ Meneja wake alisema kuwa Odom aliagiza Mdoli wake uwe na umbo lenye mvuto na sura inayofanana na Khloé ambao Mdoli huo unaripotiwa kuwa na gharama kati ya dola 8,000 hadi 20,000 ( mil 21 – mil 53 Tzs) lakini Odom alipata punguzo maalum kwa Mdoli wake.
Odom, ambaye alikuwa Vegas kwa ajili ya kusherehekea siku yake ya kuzaliwa, aliamua kujipatia Mdoli huo uliotengenezwa kwa silicone kama zawadi na inaelezwa kuwa tayari amelipa fedha za Mdoli huo ambao unatarajiwa kukamilika hivi karibuni.
Lamar Odom na Khloé Kardashian walifunga ndoa mnamo Septemba 2009, lakini walitengana baada ya miaka minne kutokana na matatizo mbalimbali ikiwemo usaliti na katika kitabu chake cha kumbukumbu kinachoitwa Darkness to Light, Odom alikiri kuwa na matatizo ya ulevi na uraibu wa dawa za kulevya na mara nyingi alikuwa akiomba msamaha kwa maamuzi aliyojuta baada ya muda.
