Kumekuwa na maoni kutoka kwa watu mbalimbali juu ya kufungiwa kwa shindano la Miss Tanzania kwa miaka miwili na leo 255 imepiga story na Miss Tanzania 2013 Happiness Watimanywa ambaye amesema amesikitishwa na maamuzi hayo kwa kuwa yeye alipata nafasi nyingi kupitia shindano hilo.
Happiness amesema kwa sasa waandaaji wa shindano hilo wanatakiwa kuitumia nafasi hiyo kuangalia walipokosea ili waboreshe mashindano hayo.
Wiki iliyopita kundi la Makomando waliachia ngoma yao mpya inayoitwa ‘Shake Body’ wakimshirikisha msanii wa kike ambaye mpaka sasa hawajamtaja, sasa leo wamesema wameanzisha shindano ambapo mtu atakayeweza kumtaja mwanadada aliyeshirikishwa kwenye wimbo huo kati ya Grace Matata, Maua Sama, Vee Money, Recho, Ruby na Lina, atapata zawadi ya shilingi elfu hamsini.
Siku chache zilizopita msanii Tunda Man alisikika kwenye 255 akizungumzia miongoni mwa sababu zilizofanya wasielewane na Matonya ni ishu ya Album ya ‘Vailet‘ ambayo Tunda alishiriki kuiandaa, leo Matonya amekataa kwamba hajawahi kuandikiwa wimbo na Tunda Man kama alivyodai na hawadaiani kwa sababu yeye alimpa kadi yake ya benki ili akachukue pesa anayoitaka.
Izzo Bizness siku chache zimepita toka aachie video ya wimbo wake wa ‘Kidawa’ aliomshirikisha Shaa, amesema wimbo huu ni wa kwanza kwake kuachia video kabla ya wimbo tangu aanze kufanya muziki lengo ikiwa ni kuweka utofauti.
Izzo amesema amemshirikisha Shaa kwa mara ya pili kwa sababu yuko karibu naye na bado wana mpango wa kufanya kazi nyingine pamoja.
Story zote ziko kwenye hii sauti hapa, bonyeza play usikilize mtu wangu wa nguvu..
Ni halali yako kupata kila stori inayonifikia mtu wangu, niko tayari kukutumia wakati wowote kupitia twitter instagram na facebook ukijiunga na mimi kwa kubonyeza >>> twitter Insta Facebook
