Kama utakuwa mfuatiliaji wa rekodi kubwa zinazowekwa Tanzania Kimataifa, jina la mfanyabiashara Mohammed Dewji limetokea kwenye list nyingi kubwa duniani.
Mohammed Dewji ameingia kwenye rekodi nyingi ikiwemo ya bilionea mwenye umri mdogo zaidi Tanzania, na pia jina lake limetokea kwenye namba 21 kati ya matajiri wakubwa Afrika ambapo namba 1 ni Mnigeria Aliko Dangote.
HONGERA nyingine kubwa kwa mtu wetu Mohammed Dewji, kafanikiwa kuibuka na ushindi wa Tuzo ya heshima Afrika, ‘Forbes Africa’s Person Of The Year 2015‘…. sio ushindi mdogo kwa sababu kwenye watano waliokuwa wanawania ushindi huo yuko pia Rais wa Nigeria, Muhammadu Buhari.
Hii sio Tuzo ya kwanza kuipata Dewji kwa mwaka 2015, tayari ana ushindi wa ‘Business Leader of the Year Award‘ iliyotolewa na African Business Magazine, na nyingine ya ‘Philanthropist of the Year Award for the East African region by All Africa Business Leaders Awards (AABLA)‘
Mohammed Dewji aliwahi pia kuwa Mbunge wa Jimbo la Singida Mjini kwa kipindi cha miaka 10, kuanzia 2005 mpaka 2015.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyeza hapa>>> INSTAGRAM TWITTER FB YOUTUBE.
