Muziki wa Amapiano umeirudisha Afrika Kusini kwenye utawala wake kwenye Muziki Barani Afrika.
Kwa Mwaka 2020 mpaka 2022 muziki huo umeweza kuteka hisia za wengi hususani barani Afrika hata nchi za kimataifa.
Licha ya muziki huo kuzalisha wasanii wapya Afrika akiwemo Focalistic, Daliwonga, Boohle pia umewaleta kwenye ramani Ma Dj’s Mbalimbali.
Kwasasa hauwezi kuzungumzia muziki huo pasipokuwataja Ma DJ wafuatao akiwemo TxC, Kabza De Small, Uncle Waffles, Kelvin Momo, Felo le tee, Dbn Gogo na wengineo.
Tukianza na Dj Uncle Waffles ambae ndio mlengwa sahihi anayetarajia kurudi nchini Tanzania kuwaburudisha Mashabiki wa muziki huo siku ya Jumamosi June 25, 2022.
Wengi tunajua si rahisi kwa Ma DJ’s kuonesha ubunifu hususani nyimbo wanazozicheza ila kwa Waffles na TxC wanazidi kupendwa Afrika kutokana na ubunifu wao umekuwa wa kitofauti.
Kwasasa Waffles ana wimbo alioupa jina la Tanzania ambao kwa ziara yake ya kurudi nchini itakuwa ndio mara yake ya kwanza kuucheza live.
Dj huyo wa kike anatarajiwa kuingia leo jioni na kuwaburudisha Watanzania watakaofika siku ya Jumamosi June 25th Elements BAR Masaki Dar es Salaam.
