Tunajua kuhusu umahiri wake kwenye uandishi wa mashairi pamoja na kumiliki stage, amedumu kwenye game tangu siku ya kwanza na bado anabakia kuwa bora kila siku ndio maana siku ya Jumamosi Oktoba 31, rapa mkongwe, Hamis Corleone Mwinjuma a.k.a Mwana FA aliacha historia ya aina yake Tanga kwenye ile show ya nguvu iliyoandaliwa na Vodacom.
Kabla ya kufanya show hiyo iliyopewa jina la ‘Mcheza Kwao Hutuzwa’ iliyofanyika katika ukumbi wa La Casachika, taarifa kutoka kwenye blog ya Issa Michuzi zimesema Mwana FA alitembelea kituo cha yatima cha Diana kilichopo Tanga na kukabidhi zawadi ya jezi kwa niaba ya kampuni simu ya Vodacom Tanzania.
Mbali na hilo, msanii huyo alikabidhi zawadi kwa mshindi wa simu ya Vodafone Smart alipotembelea duka la Vodacom lililopo barabara ya tatu, Tanga.
Ni halali yako kupata kila stori inayonifikia mtu wangu, niko tayari kukutumia wakati wowote kupitia twitter instagram na facebook ukijiunga na mimi kwa kubonyeza >>> twitter Insta Facebook
