Wakati tetesi za awali zilipoibuka kuhusu uwezekano wa Granit Xhaka kuondoka Arsenal na kwenda Bayer Leverkusen, ripoti zilidokeza kwamba uhamisho wa kiungo huyo ulichochewa na hamu ya mkewe kurejea Ujerumani.
Taarifa ziliongeza kuwa labda kwa kuwa Xhaka alijiunga na Arsenal kutoka Ujerumani na alikutana na mke wake huko, labda ndio sababu za kuhama kwake zilionekana kuwa za mantiki.
Hata hivyo, Xhaka alikanusha taarifa hizi hata alipokuwa bado mchezaji wa Arsenal, bila kutoa maelezo ya kuondoka kwake.
Mashabiki wa Arsenal walionyesha nia yao ya kutaka kusalia klabuni hapo kwa msimu mwingine, lakini kiungo huyo alikamilisha uhamisho huo, na kuhamia ligi kuu ya Ujerumani huku Arsenal wakitaka kusonga mbele bila yeye.
Akiwa anatambulika kama mmoja wa wachezaji bora wa Arsenal, Xhaka sasa ametoa maelezo ya zaidi kuhusu sababu za kuondoka kwake.
Alisema, kama ilivyonukuliwa na 90Min: “Kulikuwa na uvumi kila mahali kwamba mke wangu hakuwa na furaha tena Uingereza. Hiyo si kweli hata kidogo.
“Ukweli ni kwamba kama mtu huwa navutiwa na changamoto mpya. Baada ya miaka saba, wakati umefika wa kitu kipya kabisa.
“Ligi sio mpya, lakini klabu ni mpya. Wakati wa mazungumzo na Simon Rolfes [mkurugenzi wa michezo] na Xabi Alonso, nilihisi kuwa project ya muda mrefu huko Leverkusen ilikuwa ya maana na kwamba ilikuwa sawa na mimi kwa 100%.
