Moja kati ya habari zilizosambaa na kuenea Afrika Mashariki ni habari za mtangazaji wa Citizen Nipashe Swaleh Mdoe kuamua kutangaza hadharani kuwa ameamua kuuza figo yake moja baada ya kuwa na uhitaji wa fedha, mdoe anauza Figo yake Ksh milioni 2.5 ambazo ni zaidi ya Tsh milioni 50.
Swaleh Mdoe ambaye ni mtangazaji wa habari Citizen TV kwa Kiswahili ameamua kufikia maamuzi hayo baada ya kufanya uchunguzi kwa doctor wake na kuambiwa anaweza kuishi akiwa na figo moja hivyo kwakuwa ana uhitaji wa pesa ameamua kuuza figo yake moja na ahitaji kumsumbua mtu kwa kuomba pesa.
“Ndio nimeamua kuuza moja kati ya figo zangu kwa milioni 2.5 na tayari watu wengi wamenipigia kuniulizia kuhusiana na maamuzi yangu hayo, nina matatizo ya kifedha na njia pekee ya kuyatatua ni kuuza figo yangu moja na nahitaji kufanya hivyo haraka”
“Najua baadhi ya watu watashangaa na kuuliza kwa nini nimeamua kufanya hivi wakati nina uwezo wa kutafuta pesa kwa njia nyingine lakini kiukweli sitaki kukwaza watu kwa kuomba pesa na naweza kuishi na figo moja”
Diamond na Roma walivyoguswa na kifo cha mwanafunzi aliepigwa risasi
