Fahamu kuwa penzi kati ya Rapper Birdman na Mwanamuziki mkongwe kutokea Marekani Toni Braxton limebaki story hii ni baada ya kuripotiwa na vyombo vingi vya habari nchini humo kuwa wameachana.
Kupitia Instagram story ya Birdman amethibitisha kuachana kwake na Toni Braxton baada ya kuandika ‘It’s Over’ na huku akiwa amefuta picha zote kwenye ukurasa wake wa instagram, taarifa hizi zinakuja ikiwa ni miezi miwili imepita tokea Toni Braxton avalishwe pete ya uchumba na mipango ya harusi ilikua ikitajwa kufanyika mwishoni wa mwaka 2018.
Toni Braxton naye kupitia ukurasa wake wa instagram alifuta picha zote na kuanza mwaka mpya na picha moja ikiwa na ujumbe “kuanza upya siku zote sio uamuzi rahisi, lakini siku zote chagua kuchaguliwa”
Inaelezwa kuwa uhusiano wa kimapenzi kati ya Toni Braxton pamoja na Birdman ulianza May 2016 lakini hawakutaka kuweka wazi mpaka ilipofika February 2018 ndipo walipotangaza rasmi .
PART 3: MISUKOSUKO MTANZANIA ALIEZAMIA UJERUMANI “NILIKUWA NIKIUZA COCAINE”
