Mbunge wa Mbeya Mjini ambaye pia ni msanii wa muziki wa bongo fleva, Joseph Mbilinyi ‘Sugu’, ametangaza kutoa kiasi cha Shilingi Milioni 1 kwa mtu atakayemtumia picha akiwa amevaa sare za jela.
Sugu aliandika ujumbe mfupi kwenye ukurasa wake wa twitter akimtaka mtu mwenye picha yake akiwa amevaa sare za jela amtumie kwa ajili ya kumalizia kurasa ya mwisho ‘cover’ ya kitabu chake cha ‘SIASA NA MAISHA, na kuahidi kumpatia kiasi cha sh milioni 1 yeyote atakayefanikisha kuipata picha hiyo.
“Mtu yeyote mwenye picha yangu nikiwa nimevaa sare za MFUNGWA tuwasiliane, inahitajika kwa ajili ya cover la KITABU changu kipya ‘SIASA NA MAISHA:FROM THE PARLIAMENT TO PRISON’.Na ZAWADI ya Tshs 1,000,000/- itatolewa kwa atakayeleta picha nzuri itakayofaa kutumika.” -Sugu
Jaymond afunguka kukimbia Bill ya Msichana aliekuja na rafiki zake amtaja Rayvanny
