January 2 michezo ya Ligi Kuu Uingereza iliendelea ila mchezo kati ya Watford FC dhidi ya Man City ndio ulihitimisha michezo ya Ligi Kuu Uingereza kwa siku ya Jumamosi ya January 2. Man City walikuwa wageni wa Watford katika dimba la Vicarage Road.
Mtu wangu wa nguvu Man City walifanikiwa kuibuka na ushindi wa jumla ya goli 2-1 dhidi ya Watford, licha ya kuwa walikuwa ugenini. Man City walianza mchezo vibaya baada ya dakika ya 55 kipindi cha pili Aleksandar Kolarov kujifunga kwa bahati mbaya na kuisadia Watford kupata goli la kuongoza.
Man City ambayo ipo katika mbio za kusaka ubingwa wa Ligi Kuu Uingereza msimu huu ilibadili mchezo dakika ya 82 baada ya kiungo wake wa kimataifa wa Ivory Coast Yaya Toure kupachika goli la kuisawazishia timu hiyo, lakini dakika 3 baadae, mshambuliaji wa kimataifa wa Argentina Sergio Aguero akapachika goli la pili na ushindi. Kwa matokeo hayo Man City inakuwa nafasi ya tatu katika Ligi ikiwa na point 39 nyuma ya Leicester City na Arsenal anayeongoza Ligi.
Video ya magoli ya mechi ya Watford Vs Man City
https://youtu.be/drn5hakpnzI
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
