Baada ya kikao cha pamoja leo Dodoma, kamati ya wabunge wote wamepitisha jina la Mbunge wa jimbo la Kongwa Job Ndugai kuwania nafasi ya Uspika na kesho atapigiwa kura na wabunge wote wa Jamhuri ya Muungano wa Tanzania.
Katibu wa Itikadi na Uenezi Nape Nnauye amesema jina la Ndugai limepitishwa na kamati ya wabunge wote baada ya wenzake wawili Tulia Ackson na Abdullah Mwinyi kujitoa.
Kingine kilichotufikia leo kutoka Dodoma ni uteuzi wa Rais Dk. John Magufuli ambaye amemteua Dkt.Tulia Ackson Mwansasu kuwa Mbunge wa Jamhuri ya Muungano wa Tanzania.
Jina la Mwansasu ambaye alikuwa mwanasheria mkuu msaidizi ni miongoni mwa majina matatu yaliyopitishwa jana na kamati kuu akiwemo Job Ndugai pamoja na Abdullah Mwinyi kuwania nafsi ya kiti cha spika ambapo leo Ndugai ametangazwa kuwania kiti hicho.
Katibu wa Bunge Dkt.Thomas Kashillilah amethibitisha uteuzi huo ambao kwa mujibu wa katiba ya Jamhuri ya Muungano wa Tanzania ibara ya 66 (e) inampa Rais madaraka kuteua wabunge wasiozidi kumi.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokeamatukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyeza hapa >>>INSTAGRAM TWITTER FB YOUTUBE
