Imekuwa ni kawaida kwa kocha wa klabu ya Chelsea ya Uingereza Jose Mourinho kuingia katika headlines kwa kauli zake kadhaa ambazo huzitoa kabla na wakati wa mchezo. Mourinho tabia yake ya kutoa maneno yake haikuanza juzi wala jana, toka miaka ya nyuma, refa mstaafu wa Ligi Kuu Uingereza Graham Poll amefichua kauli aliyowahi kuambiwa na Mourinho.
Graham Poll amefichua kuwa Jose Mourinho aliwahi kumwambia kuwa yeye sio rafiki yake tena kwa sababu hakuipendelea timu yake. Mourinho anadaiwa kuitoa kauli hiyo mwaka 2006 katika mchezo wa nusu fainali ya Kombe la FA, mchezo ambao Chelsea ilifungwa goli 2-1 na Liverpool wakati inafundishwa na Rafael Benitez.
“Baada ya Chelsea kufungwa mwaka 2006 dhidi ya Liverpool katika mchezo wa nusu fainali ya Kombe la FA, Mourinho aliniambia hawezi kuniona mimi kama rafiki tena kwake, kwa sababu hakuna rafiki kwake ambaye anaweza kuruhusu timu yake ifungwe katika mechi”>>>Graham Poll
Jose Mourinho alimlaumu Graham Poll kutokana na kuwapa faulo Liverpool na kukataa goli lililofungwa na John Terry, kauli ya Graham Poll inakuja ikiwa ni siku chache toka Mourinho amlaumu refa aliyechezesha mchezo wa Ligi ya Mabingwa Ulaya Jumanne ya October 20 dhidi ya Dynamo Kyiv ambaye aligoma kutoa penati kwa upande wa Chelsea na Mourinho kumuita dhaifu.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenyeTwitter,FB,Instagram na YouTUBE wa kubonyeza hapa >>>INSTAGRAMTWITTERFBYOUTUBE.
