Iko mijadala wasanii wa Tanzania wanaendelea nayo kuhusu jinsi ya kuweka utaratibu wa wasanii hao kulipwa na vituo vya TV na Radio kwa jinsi ambavyo nyimbo zao zinapigwa… kuna nchi ambazo tayari wamesogea kwenye hatua nzuri na utaratibu wa wasanii kulipwa unaendelea kama kawaida.
COSOTA wasema kuna wasanii wa Bongo kama 25 au 30 hivi ambao wanapokea pesa za mirabaha kutoka nje ya TZ… Wasanii hao ni wale waliojiandikisha tu COSOTA na wanatambulika nao, kwa ambao hawajajiandikisha wanashauriwa kujiandikisha pia kwa sababu huenda kuna pesa zao zinaingia toka nje na haziwafikii.
Mkali kwenye game kitambo, Mchizi Mox kwenye headlines… ni bonge la rapper ambaye kathibitisha kwamba kwa sasa majukumu yake ni mengi, yuko kwenye mipango ya kutengeneza Management nzuri ili akirudi kwenye muziki basi atakuwa na kazi iliyonyooka zaidi kuliko muziki aliokuwa anaufanya zamani.
Professor Jay ni jina la kwenye muziki, kwenye siasa sasahivi ni Mheshimiwa mbunge Joseph Haule… Ana wadogo zake watatu ambao wanafanya muziki, anawaona kwenye siasa pia?
Prof. Jay amesema wazazi wao waliwapa msingi mzuri wa shule kwa hiyo huenda baadaye mambo yakabadilika na wadogo zake wakaingia kwenye siasa na kugombea nafasi za juu zaidi kuliko Ubunge ila kwa sasa hajajua kama kuna hata mmoja mwenye nia ya kufanya siasa.
