“Jeshi la Polisi halijapiga marufuku Sherehe za Pasaka na ndio maana hata jana Ibada ya Sikukuu ya Alhamisi Kuu ilifanyika Nchi nzima bila bughudha yeyote na Askari wetu waliovaa sare za Polisi na waliovaa kiraia walikuwa doria kuhakikisha amani, utulivu na usalama unakuwepo”———POLISI
“Jambo ambalo hatutegemei kuliona ni zile shamrashamra kubwa kama vile Matamasha na Makongamano ya Pasaka na kwa bahati nzuri wanaoyaandaa kila mwaka kwa utu wao wa Kitanzania, hekima na busara zao hatujasikia wakitangaza maandalizi ya Matamasha hayo”-POLISI
“Ibada za Sherehe za Pasaka kwenye Makanisa, Sherehe za Kifamilia, Hitma, Familia kuungana na kwenda kutembelea sehemu mbalimbali na kusherehekea Pasaka hakuna aliyekataza ili mradi unachofanya kinaendana na kufuata utu, busara, hekima, Sheria , kanuni na taratibu za Nchi”-POLISI
