NI taarifa kutoka kampuni ya Ndege nchini (ATCL) ambapo leo July 29, 2021 wametangaza ujio wa ndege mpya aina ya DASH 8 -Q400 ambayo itapokelewa kesho July 30, 2021 na Mheshimiwa Rais wa awamu ya sita ya Jamhuri ya Muungano wa Tanzania, Samia Suluhu Hassan.
“Ndege hii itapokelewa na Mheshimiwa Rais wetu mpendwa Samia Suluhu Hassan katika uwanja wa Airport Dar es Salaam akiongoza uongozi wote pamoja na wananchi kusheherekea kwa ujio wa ndge hiyo”-ATCL
“Ndege hiyo inatarajiwa kuwasili kesho majira ya mchana July 30, 2021 na hii itakuwa ni mfululizo wa ndege ya tano katika hizi ambazo zamani zilikuwa zinaitwa bombardier lakini kwasasa inaitwa DASH 8 – Q400 kwahiyo tutakuwa na ndege tano sasa kuanzia kesho za masafa mafupi”-ATCL
“Hii itakuwa ni ndege ya tisa kuwasili kati ya ndege kumi na moja ambazo zimenunuliwa na Serikali hii na ndege nyingine mbili tunazitarajiwa mwisho wa mwaka huu”-ATCL
