Mshambuliaji wa kimataifa wa Ureno na klabu ya Real Madrid ya Hispania Cristiano Ronaldo usiku wa October 1 amefanyiwa sherehe Santiago Bernabeu ya kusherehekea rekodi ya kuwa mfungaji bora wa muda wote wa klabu ya Real Madrid, licha ya kuwa Ronaldo inadaiwa yuko sawa kwa magoli na Raul kwa idadi ya magoli 323, lakini gazeti la Spanish na klabu yao inaeleza kuwa Ronaldo ana jumla ya magoli 324.
Shughuli hiyo ilihudhuriwa na wachezaji wenzake wa Real Madrid, Rais wa klabu hiyo Florentino Pérez pamoja na wakala wake Jorge Mendes, licha ya kuwa Cristiano Ronaldo hakuwa katika mahusiano mazuri na vyombo vya habari toka mwezi March 2015, ameomba radhi kwa vyombo hivyo sambamba na kuwashukuru makocha waliowahi kumfundisha.
Katika sherehe hiyo Ronaldo alipewa kiatu cha mfungaji bora na Rais wa Real Madrid Florentino Pérez sambamba na mpira wa zawadi. Licha ya kuwa Jose Mourinho aliwahi kuongea kauli ya kejeli dhidi yake Ronaldo amemshukuru kocha huyo pamoja na wachezaji wenzake wa Real Madrid.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO‘ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenyeTwitter,FB,Instagram na YouTUBE wa kubonyeza hapa >>>INSTAGRAMTWITTERFBYOUTUBE
