Chama cha soka England FA kimemuondoa muamuzi Mike Dean kama muamuzi wa akiba (fourth Official) wa mchezo wa Chelsea dhidi ya Tottenham Hotspurs unayotarajiwa kuchezwa Jumatano hii, Mike Dean ameondolewa kwa sababu ya kuwa tayari alishakuwa ametofautiana na kocha wa Tottenham Hotspurs Mauricio Pochettino.
Hatua hiyo ya kumuondoa Mike Dean katika mchezo huo ambao utachezwa Stamford Bridge umekuja kama sehemu ya kutaka kuwepo na imani kwa pande zote mbili juu ya waamuzi, baada ya kocha wa Tottenham Pochettino kugombana na Mike Dean katika mchezo dhidi ya Burnley uliyochezwa Jumamosi iliyopita Tottenham akipoteza kwa 2-1.
Hata hivyo bodi ya waamuzi imetangaza kuwa Mike Dean atakuwa muamuzi wa akiba wa mchezo wa Man City dhidi ya West Ham United unaotarajiwa kuchezwa katika uwanja wa Etihad, unaotarajiwa kuchezwa siku hiyo ya Jumatano wakati mchezo wa Chelsea na Tottenham ukichezwa Stamford Bridge.
Mwinyi Zahera alisababisha shabiki wa Yanga abet mke wake
