Siku ya leo moja ya story kubwa ambayo ilikuwa ikisambaa kwa kasi mitandaoni na watu ambao hawakuingia mitandaoni walikutana na ujumbe ambao watu walikuwa wakisambaziana watu kwamba kuna msiba wa msanii wa kundi la Orijino Komedi, Clouds FM ikawatafuta Joti pamoja na Seki ambao walikanusha juu ya tetesi kwamba msanii Vengu amefariki.
Ni muda mrefu msanii huyo hajaonekana, timu ya millardayo.com na #AMPLIFAYA imefanya jitihada na kumpata Andrew Shamba ambaye ni kaka wa Joseph Shamba aka Vengu, hapa akaanza kuzungumzia jinsi tetesi hizo walivyozipokea; “Familia inatusikitsha kwa maana kwamba haina ukweli wowote hii ishu ni zaidi ya mara tano wanazungumza hao watu.. na hao watu hawazungumzi kwa mapenzi mazuri Vengu sasa hivi ana hali nzuri vitu vidogo vidogo anajisaidia yeye mwenyewe, hizi habari za uvumi zinakatisha tamaa..“
“Vengu sasa hivi ana mwaka mmoja na nusu yuko nyumbani kama anaenda Hospitali ni binadamu.. labda Malaria, au labda kichwa kitamuuma ndio tutasema twende Hospitali lakini sio mgonjwa na Komedi wanajua kwamba amepumzika na wao wamekubali kwamba apumzike ili baadae arudi..“
“Madaktari wake ni wakali mno kuna daktari wake hataki suala la kufanya mahojiano au kumkumbusha kumbusha vitu vya nyuma inakuwa kama unamtia huzuni.. kumpa simu asikilize ni vitu ambavyo vimekatazwa“
Ni muda mrefu msanii huyo hajaonekana akiigiza pamoja na kundi lake la Orijino Komedi; “Vengu ameanza kuumwa 2011 mwezi wa tisa“–Andrew Shamba.
Nitaendelea kukupatia kila stori inayonifikia mtu wangu, niko tayari kukutumia wakati wowote kupitia Twitter, Instagram na Facebook ukijiunga na mimi kwa kubonyeza>>>twitter Insta Facebook
