Manchester United jana usiku ilicheza mchezo wake wa mwisho msimu huu kwenye uwanja wake wa nyumbani Old Trafford dhidi ya Hull City – matokeo yalikuwa 3-1, Wilson alifunga mawili na Van Persie alifunga moja kwa upande wa United.
Pamoja na ushindi lakini jana pia ilikuwa ndio mechi ya mwisho ya nyumbani ya Nemanja Vidic akiwa amevaa jezi ya United. Mserbia huyo amemaliza mkataba wake Old Trafford na msimu ujao atakuwa akiichezea Inter Milan. Baada ya mchezo kuisha wachezaji wa United walikusanyika katikati ya uwanja wakiongozwa na kocha wao Ryan Giggs kumuaga nahodha wao Nemanja Vidic huku mashabiki wakiwa wanamuimbia nyimbo za kumsifu.
