Mwili wa Marehemu Aretha Franklin “Malkia wa Soul” umepewa heshima ya mwisho August 28,2018 huku maelfu ya watu walijitokeza kuuaga mwili huo katika makumbusho ya Kihistoria ya watu weusi “Charles G Wright” mjini Detroit, Marekani.
Mwili wa Marehemu Aretha Franklin ulibebwa katika gari ya kifahari aina ya 1940 Cadillac LaSalle kuelekea katika kiwanja hicho cha makumbusho, gari hilo liliwahi pia kuubeba mwili wa marehemu baba yake mzazi C.L.Franklin 27 July, 1984, Mwanamuziki David Ruffin 1991 pamoja na Rosa Parks mwaka 2005.
Marehemu Aretha Franklin anatarajiwa kuzikwa Ijumaa ya August 31,2018, baada ya mwanamuziki huyo kufariki August 16,2018 kutokana na kusumbuliwa na ugonjwa wa saratani kwa muda mrefu, Wasanii kama Steve Wonder,Fantasia ,Jennifer Hudson, Faith Hill, Chaka Khan ndio wamechaguliwa kuimba katika mazishi ya staa huyo.
“KAMA KUNA MWENYE KINYONGO NA MIMI TUSAMEHEANE” – OMMY DIMPOZ
