Kwenye zile zilizosikika leo February 19 kwenye 255 ishu ya kwanza ni story ya mastar wawili Bongo Flevani, Matonya na Tunda Man, ishu iliyokuwepo ni wawili hao kutoelewana kwa muda mrefu.
Tunda Man amesikika kwenye 255 leo, amesema ni kweli hawakuwa na maelewano kwa muda mrefu japo mwanzo walikuwa marafiki sana na walifanya kazi pamoja lakini tofauti zao zilitokana na kazi.
Tunda amesema ameshiriki kwenye maandalizi ya album ya Matonya ‘Vaileth’ kwa 90%.
Kulikuwa na story za kuvunjika kwa kundi la Kigoma All Star ambao tayari wameshafanya pamoja ngoma mbili na zikashika sana, Mbunge wa Kigoma Kaskazini, Zitto Kabwe amesema hakuna ukweli kwenye story hiyo, kundi hilo walikuwa na mipango mingi kwa pamoja ikiwemo kufungua Saccos ambayo ingewasaidia kufanya kazi zao kwa urahisi kwa kuwa ni ngumu kusupport wasanii wote 14.
Zitto amesema kulitokea matatizo kadhaa ambayo yalifanya kutokamilika kwa mipango hiyo ila kwa sasa kila kitu kitakuwa sawa kabla ya kufika kwa kipindi cha uchaguzi Mkuu mwezi October.
Jana msanii Rich Mavoko aliweka picha kwenye ukurasa wake wa Instagram ikimuonyesha akisign dili la kuwa Balozi wa Shirika la Kimataifa la Uhifadhi wa Mazingira WWF, Rich amesema amechaguliwa kuwa Balozi wa Shirika hilo nafasi ambayo ameipata baada ya kuonekana akiwa na chui kwenye video ya wimbo ‘Pacha Wangu’.
Ili uweze kuzisikiliza story zote bonyeza play hapa.
Hautopitwa na stori yoyote inayonifikia mtu wangu, niko tayari kukutumia wakati wowote kupitia twitter instagram na facebook ukijiunga na mimi kwa kubonyeza >>>twitter Insta Facebook
