Muziki wa sasa hivi sio wa kusubiri album iingie sokoni ndio msanii account yake iingie mkwanja.. wasanii wanategemea vingi, kuna shows, kuuza ringtones.. deals za matangazo.. huko kote kuna pesa ambayo msanii wa muziki anaweza kuikusanya na muziki wake ukawa na matunda mengi zaidi.
Hongera kwa Diamond Platnumz ambae kaipata fursa hii nyingine, jamaa ni balozi wa Program ya Mziiki ambako huko nako anauza muziki wake pia kidijitali zaidi !! Muziki wake unamfikia kila mtu pale alipo duniani kwa urahisi zaidi.
“Tatizo lingine linalodumaza muziki wa Tanzania ni uoga wa wanamuziki kubadilika na kuogopa teknolojia za kisasa kama hii programu ya kupakua muziki kwenye simu kwa kupitia Mziiki”– Diamond Platnumz.
Programu ya Mziiki ambayo ilizinduliwa na Kampuni Mawasiliano ya Vodacom Tanzania kwa kushirikiana na Spice VAS Africa imeanza kufanya kazi na wasanii wa muziki TZ na nje ya nchi, ndani ya kipindi kifupi tayari wasanii waliojisajili ni zaidi ya 1,000.
Mziiki ni jukwa jingine ambalo linausogeza muziki karibu na kila mtu kwa njia ya simu ya mkononi.. iwapo wimbo wa msanii utasikilizwa kuna kiasi cha pesa pia ambacho msanii huyo anakipata.
Wewe ni mteja wa Vodacom? Hii ni rahisi kwako, unaweza kujiunga time yoyote kuanzia sasa upate kila wimbo unaoupenda BURE !!
Mengine mazuri kwenye Mziiki yako hapa>>> www.mziiki.com.
