Klabu ya Mbeya City ya jijini Mbeya ambayo October 17 itaikaribisha Simba katika uwanja wa Sokoine Mbeya kucheza mechi yake ya saba ya Ligi Kuu Tanzania bara msimu wa 2015/2016. Mbeya City ambayo inashika nafasi ya 13 baada ya kucheza mechi sita na kushinda moja na kutoka sare moja inashuka uwanjani kucheza ikiwa na huzuni.
Mbeya City kwa siku za hivi karibuni imeondokewa na aliyekuwa kocha mkuu wa timu hiyo Juma Mwambusi ambaye ameenda kuwa kocha msaidizi wa klabu ya Yanga na kurithi mikoba ya Charles Boniface Mkwasa aliyepata mkataba wa kuwa kocha wa timu ya taifa ya Tanzania Taifa Stars.
Kwa sasa Mbeya City ina mkosa kocha wake mkuu na nahodha wa klabu hiyo Juma Nyosso ambaye anatumikia adhabu ya kufungiwa kwa kipindi cha miaka miwili, lakini kwa sasa wanafundishwa na kocha wao msaidizi Meja Abdul Mingange bila kuwa na kocha mkuu. Hata hivyo Mbeya City imeendelea na mazoezi ya kuelekea mchezo huo ikiwa na nyota wake kama Juma Kaseja na Haruna Moshi Boban.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenyeTwitter,FB,Instagram na YouTUBE wa kubonyeza hapa >>>INSTAGRAMTWITTERFBYOUTUBE.
