Baada ya mechi za hatua ya makundi ya Ligi ya Mabingwa Ulaya kumalizika usiku wa December 9 na kushuhudia vilabu 16 vikitinga hatua ya 16 bora na vilabu vingine 16 vikiaga mashindano hayo, December 10 ilikuwa ni zamu ya kushuhudia mechi za Europa League, miongoni mwa mechi za Europa League zilizochezwa usiku wa December 10 ni mchezo kati ya FC Sion ya Uswiss dhidi ya Liverpool ya Uingereza.
FC Sion ndio walikuwa wenyeji wa Liverpool katika dimba lao la Stade de Tourbillon na kuwakaribisha Liverpool, licha ya kuwa FC Sion walikuwa katika uwanja wao wa nyumbani walionekana kutawaliwa na Liverpool kimchezo kwa dakika zote 90, hata hivyo mchezo huo ulimalizika kwa sare 0-0.
Hadi dakika 90 zinamalizika klabu ya Liverpool inayonolewa na kocha wa Kijerumani aliyewahi kuifundisha klabu ya Borussia Dortmund ya kwao Ujerumani Jurgen Klopp, walionekana kuutalawa mchezo kwa asilimia 61 na FC Sion ikimiliki mpira kwa asilimia 39 pekee. Liverpool licha ya kuutawala mchezo walishindwa kupata goli hata moja.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
