Baada ya kimya cha muda mrefu sasa Rapper kutokea Marekani Nas ametoa ahadi ya kuileta Album yake ‘The Lost Tapes 2’ ambayo inatarajia kuachiwa rasmi July 19 mwaka huu ikiwa na jumla ya ngoma 16 akiwa amewashirikisha wasanii 4 akiwemo Al Jarreau, David Ranier, Swizz Beatz, J Myers.
Kwa mujibu wa mtandao wa Rap Up umeeleza kuwa mwaka 2014 Nas alitoa mipango ya kuileta Album ya ‘The Lost Tapes’ katika uzinduzi wa Label yake ya Appeal Records lakini hakufanikiwa kuiachia, imezidi kuripotiwa kuwa Album hiyo ya zamani ilihusisha ngoma ambazo hazikuwahi kutoka kuanzia kwenye album ya Hip-Hop Is Dead (2006) , Untitled (2008), Life is good (2012) mpaka Nasir (2018)
Album hiyo The Lost Tapes 2 imewashirikisha watayarishaji kama Swizz Beatz, Pharrell Williams, RZA, No I.D na Kanye West na Album hiyo itakua chini ya Mass Appeal/ Def Jam Recordings.
VIDEO: MUZIKI WA ALIKIBA UMEMFIKIA KAMANDA WA POLISI KAGERA
