Kipindi namba moja cha Vijana Tanzania XXL kinachorushwa na Clouds FM kinatarajia kuufunga mwaka na event kubwa ya Wanavyuo wote Tanzania Jangwani Sea Breeze iliyopo Mbezi Beach Dar es salaam Disemba 11 2021.
Akizungumza na Mwandishi wetu Mratibu Mkuu wa Tamasha hili Pancras Mayala (AskofuTZA) amesema kuwa mbali na Wanavyuo kupata nafasi ya kuja kufurahi na Wanavyuo wenzao lakini watapata nafasi ya kuonyesha vipaji vyao mbele ya Wasanii wakubwa watakaokuwepo siku hio.
Tamasha hili ni muendelezo wa Ratiba za Kipindi cha XXL kufanya kila Mwezi Disemba ambapo kwa mwaka huu kabla ya kufanyika Dar walifanikiwa kupita Vyuo kadhaa mikoani ikiwemo CBE Dodoma, Saut na CBE campas ya Mwanza,
Wanavyuo wote Tanzania wamealikwa kwenye Tamasha hili linalotegemea kuanza saa sita mchana mpaka usiku likiwa limesheheni wasanii zaidi ya 30 wakiongozwa na Marioo, Kings Music, Konde Gang, Maua Sama, Sholomwamba, Ben Pol, Billnass, Young D, Weusi, Mabantu na wengine wengi.
Utaratibu wa tiketi unaweza kupata kupitia Nilipe App na hapo utanunua kwa 9,000 huku Mlangoni ikiwa ni 10,000 tu.
Tamasha la Xtra Uni Bash 2021 limedhaminiwa na Dstv, Kilimanjaro Premium Lager, COSOTA Tanzania, Wizara ya Utamaduni Sanaa na Michezo, Precision Air na Nilipe App.
DAMIAN SOUL AFUNGUKA MAREHEMU MAMA YAKE ALIVYOKUWA AKIMTOROSHA AKAFANYE MUZIKI, BABA AKIWA HATAKI
