Rais wa Jamhuri ya Muungano wa Tanzania, Dkt. Samia Suluhu Hassan, ametengua uteuzi wa Kamishna Diwani Athumani Msuya, aliyemteua tarehe 03 Januari, 2023 kuwa Katibu Mkuu Ikulu.
Aidha, Rais Samia amemteua Mululi Majula Mahendeka kuwa Katibu Mkuu Ikulu, Mahendeka alikuwa Afisa Mwandamizi wa Ofisi ya Rais, Ikulu.
Itakumbukwa juzi January 03,2023, Rais Samia Suluhu alimteua aliyekuwa Mkurugenzi Mkuu wa Idara ya Usalama wa Taifa Tanzania, Kamishna Diwani Athumani Msuya kuwa Katibu Mkuu Ikulu akichukua nafasi ya Moses Kusiluka ambaye ameteuliwa kuwa Katibu Mkuu Kiongozi.
