Kama hukusikiliza 255 kuna story kadhaa ambapo Miss Info Dee Andy kama kawaida yake ameripoti info za kutosha kuhusu wakali kama Belle 9, Gosby, Dark Master, Chris Brown na wengine wengi.
Kwa kuanzia Tz, msanii Belle 9 kuamua kufanya kitu tofauti na ilivyozoeleka, ambapo yeye aliamua kuwaachia kazi mashabiki wake waamue namna ambayo wangependa kuiona ‘Vitamin Music’ aliyomshirikisha Joh Makini, baada ya kupata mawazo ya fans wake, Belle yuko kwenye maandalizi ya kufanya video hiyo.
Gosby amesikika akilaumu wasanii wa Chemba Squad kwa kutomtaja kaka yake kama mmoja ya waanzilishi wa kundi hilo, baada ya kutafutwa mmoja ya wasanii wa kundi hilo, Dark Master amekiri kuwa kaka wa Gosby ni mmoja ya waanzilishi wa kundi hilo na kuwataja wasanii wengine ambao walikuwa waanzilishi na hawakuendelea na kazi hiyo, hivyo ni wachache ambao wamekuwa wakitambulika kama waanzilishi.
Chris Brown na Tyga wako katika maandalizi ya tour yao itakayofanyika mwaka 2015 na mpango uliopo ni kuachia wimbo mpya ulioshirikisha wakali hao siku za karibuni.
Moja kati ya show zilizokuwa na wapenzi wengi ya ‘106 & Park’ kupitia BET iko mbioni kusitishwa hivi karibuni kurushwa hewani na badala yake kitakuwa kinapatikana kwenye mtandao peke yake.
Mwisho ni kuhusiana na watu walioiponda movie ya marehemu Aaliyah inayoitwa “Princess of R&B” iliyotengenezwa na Wendy Williams, ambapo mmoja ya watu walioiponda movie hiyo ni producer Timberland.
