Hii ilikua Sherehe za Miaka 10 ya Lady In Red Super Brand ambayo inajishughulisha zaidi na wabunifu chipukizi wa hapa Tanzania na imefanyika usiku wa February 14 Serena Hotel hapa 88.5 Dar es salaam.
Wabunifu chipukizi 20 walipata nafasi ya kupita juu ya jukwaa moja kuonyesha mavazi yao mbalimbali waliyobuni kwenye siku hii,ambapo pia kulipigwa mnada baadhi ya vitu kama picha mbalimbali na joho kwa ajili ya kusaidia watu walioathirika na madawa ya kulevya kwenye kituo cha Kikale Youth Care Organization.
Miongoni mwa watu walikua wakihitaji kununua picha hiyo ni pamoja na Maria Sarungi ambaye alizidiwa pesa kidogo na Michuzi Media Group ambao wao waliinunua kwa 1,010,000 na Maria Sarungi alikua tayari kuinunua kwa 1,000,000.
Burudani ilitoka kwa Wanne Star,Babloom Trio Band na Nemo.Mbali na chipukizi hao sherehe hizi pia zilihudhuriwa na Wanamitindo maarufu kama Mustapha Hasanali,Khadija Mwanamboka,ally rehmtulla ,Martin Kadinda na wengine kibao.
Miaka 10 hii ni ya Lady in Red ambayo iko chini Asia Idaraous Khamsin mama wa mitindo Tanzania.
Hizi ni baadhi ya picha kwenye Lady in Red February 14 2014.
