Mabingwa watetezi wa Ligi Kuu Tanzania bara Simba SC leo Jumapili ya October 21 2018 walikuwa uwanja wa Taifa Dar es Salaam kuwakaribisha Stand United ya Shinyanga katika game yao ya nane ya Ligi Kuu msimu huu.
Simba wakiwa nyumbani ikiwa siku moja imepita tokea muwekezaji wao Mohammed Dewji apatikane baada ya kutekwa, wamefanikiwa kupata ushindi wa magoli 3-0, magoli ya Simba yalifungwa na Chama dakika ya 30, Emmanuel Okwi dakika ya 45 na mwishi likafungwa kwa Mlilo kujifunga mwenyewe dakika ya 78, ukuta wa Simba SC uliokuwa chini ya Psacal Wawa na Juuko walifanikiwa kumdhibiti mshambuliaji mahiri wa Stand United Kitenge.
Ushindi huo sasa unaifanya Simba SC ifikishe jumla ya point 17 katika msimamo wa Ligi Kuu Tanzania bara msimu huu, ushindi huo sasa kwa mujibu wa kocha wa Simba SC Patrick Aussems amesema wameutoa kwa muwekezaji wao Mohammed Dewji baada ya kupatika, Simba inacheza Jumatano ijayo na Alliance ya Mwanza hapa hapa uwanja wa Taifa.
“Sijaona hata mchezaji mmoja mwenye akili kama Ajib”-Kocha wa Yanga
