Baada ya wapinzani wao wa jadi FC Barcelona kufanikiwa kuibuka na ushindi wa goli 3-0 dhidi ya River Plate ya Argentina katika fainali ya Klabu Bingwa Dunia, Real Madrid wameamishia hasira zao katika mchezo wa Ligi Kuu Hispania dhidi ya klabu ya Rayo Vallecano.
Real Madrid walikuwa katika dimba lao la nyumbani la Santiago Bernabeu huku timu yao ikiwa imesheheni mastaa wao kama Karim Benzema, Cristiano Ronaldo na Gareth Bale. Real Madrid wamefanikiwa kuibuka na ushindi wa goli 10-2 wakati Gareth Bale na Benzema wakiambulia kufunga hat-trick.
Magoli ya Real Madrid yalianza kufungwa dakika ya 3 na Danilo, Gareth Bale dakika ya 25, 42, 61 na 70, Cristiano Ronaldo dakika ya 30 na 54 na Karim Benzema dakika ya 48, 80 na 90. Wakati magoli ya Rayo Vallecano yalifungwa na Antonio Amaya dakika ya 10 na Jozabed dakika ya 12.
Video ya magoli ya mechi ya Real Madrid Vs Rayo Vallecano
https://youtu.be/aoxVwov7g2E
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
